Əhmədbəyli-Horadiz-Mincivan-Ağbənd avtomobil yolu - KALYON RSY

Əhmədbəyli–Horadiz–Mincivan–Ağbənd avtomobil yolunun tikintisi çərçivəsində, yolun 0+000–85+000 km və 100+000–120+000 km piketaj sahələrində geodeziya istinad nöqtələri seçilmiş, yerində möhkəmləndirilmiş və daimi nişanlarla bərkidilmişdir. İstinad şəbəkəsinin sxemi tərtib edilmiş və ölçmə işlərinə hazırlıq görülmüşdür.
Qurulmuş geodeziya istinad məntəqələrində müasir GNSS avadanlıqları ilə statik ölçmələr aparılmış, müşahidələr toplanmış və ofis şəraitində emal edilərək koordinatların dəqiqliyi və etibarlılığı yoxlanılmışdır. Ölçmə nəticələri mövcud geodeziya əsasına bağlanmış və şəbəkənin bağlanma səhvlərinə nəzarət edilmişdir.
Alınmış koordinatlar əsasında marşrut üzrə nivellerləmə və icra ölçmələri həyata keçirilmiş, hündürlük əsasları dəqiqləşdirilmiş və yolun layihələndirmə və tikinti mərhələlərində istifadə üçün geodeziya təminatı yaradılmışdır. Görülən bütün işlər qüvvədə olan texniki norma və tələblərə uyğun şəkildə sənədləşdirilmişdir.